हेरे

उनलाई  मन  दिएर  पनि हेरे 

र उनको मन  लिएर  पनि हेरे   

युगल बनेर नि हेरे’ छैन सुख 

एकल जीवन जिएर पनि हेरे!

जस्तो

सधैं तिम्रो चुरिफुरी खेले जस्तो 

गर्छौ कुरा  भुराभुरी खेले जस्तो 

सिमानाको रक्षकलाई थाहा छ

हैन अर्थ  बहादुरी  खेले  जस्तो 

छुट्याउदैन यो  आफ्नो र पराइ 

हैन मजाक खुकुरी खेले जस्तो 

मौसम सरि फेरिन्छ  तिम्रो कुरा 

अनि गर्दछौ मन्जुरी खेले जस्तो

मुटुमा चोट लाग्छ त्यो नजरले,

नहेर्नु  है ! घुरिघुरी खेले जस्तो 

भएपछि

गोधुली  सकिएर  साम  भए पछि 

भेटौँला यो शरीर आराम भए पछि 

तिमी चुपचाप बस्नु, हल्ला नगर्नू  

गाह्रो हुन्छ फेरी बदनाम भए पछि

के हुन्छ

म' मरे भने बचाउने उपाय के हुन्छ ?

निधो गरे मर्ने' तिम्रो राय के हुन्छ ?

मेरो मृत्युको कारण कुनै पलहरु !

तिमीलाई रुनु परे सजाय के हुन्छ ?

आयौ

दिवा ढले पछी आयौ 

दियो बले पछी आयौ 

समाजमा कुराको ति 

हुरी  चले पछी आयौ 

कठोर त्यो कथाले यो 

मनै गले  पछी आयौ 

लगाबले यहाँ आत्मा 

पुरा जले पछी आयौ 

सबै  यहाँ  बने  बैरी 

तिमी छले पछी आयौ 

छन्द : रक्षा 

गण : ज रा गु

शुत्र : isi  sis ss 

विश्राम : ४

मान्छे

म' मायामा हारेको मान्छे 

आँफैलाई  मारेको मान्छे 

कतै देख्यौ  भने त्यो म हुँ 

अश्रु धारा  झारेको मान्छे 

मर्ने, बाच्नेको दोसाद मा 

म'  बैतर्नी तारेको  मान्छे 

तिम्रै कारण आफ्ना सँग  

बोली सम्म बारेको मान्छे

तिमी गयौ' काल आएन 

मै हुँ एक्लै पारेको मान्छे

ऊ फुल्ने, फल्ने बने पछी 

भुल्यो बोट सारेको मान्छे

थियो

कुरो   समय  सान्दर्भिक  थियो 

तर  विपक्षी  अत्याधिक  थियो  

दर्जा  विभाजन गरिदैथ्यो जहाँ 

त्यहाँ मेरै  आफ्ना सरीक थियो 

माया प्रेम गर्नेहरुको   मेरो  झै  

सबैको  कहानी  मार्मिक थियो 

ठुलै  पदाधिकारी  बनेर  आज 

चिन्दैन जो हिजो नजिक थियो 

तिमीले जस्तै राजनीति जान्दिन 

त्यसैले  हार्नु  स्वभाविक  थियो   

मुटुको  मुल्य  खेलौना  बराबर 

जहाँ  सम्बन्ध  आधुनिक थियो

 

उस्ले मार्यो, म मरे ! सुन' रमिते 

अपराध  त्यो  सामुहिक  थियो

आएर

बल्ल गयो हिजो,अस्ती आएर 

पीडा  दिन्छ  मेरै  बस्ती आएर 

चुनौती किन यो जिन्दगीलाई 

सताउँछ  जबर्जस्ती  आएर ?

भनेको छु

हुदैन भने' मिलन  भनेको छु

बसिनेछ  अनसन भनेको छु

रमाइलो  चरण   मायाको 

गर्न हुन्न समापन भनेको छु 

मुटुको साटो' माया हो माग  

हुनै पर्छ सम्बोधन भनेको छु 

बिछोडको  कारण चाहियो         

चाहिदैन  समर्थन भनेको छु 

तिमी जानु  अगाबै  यो मेरो 

अर्थी गर्नु बिसर्जन भनेको छु 

गर्छौ

प्रबासमा  कमाएर  गजब  गर्छौ  

आफू  मात्र  रमाएर गजब  गर्छौ   

भुल्यौ ताते-ताते गराएको औंला 

अर्कै  हात  समाएर  गजब गर्छौ

सकिन

भो! तिमी सँग बाजेर सकिन 

बोली मात्र गयो खेर सकिन 

नयाँ   दिन,  नयाँ   बहाना 

तिम्रो  कहानि पढेर सकिन

थाहा छ, यो प्रेम  यस्तै हो 

पाउन  माया चाहेर सकिन 

भुल्नै  पर्ने  बाध्यता  देख्छु 

रोइ  रहन   सम्झेर सकिन 

के हो निर्णय ? भने  हुन्थ्यो 

बस्नलाई  भो अबेर सकिन

जान्छ

हरेक  बिहान  गन्तब्य ताकेर जान्छ  

पुग्छ मन्दिर फूलपाती राखेर जान्छ  

तपस्या गर्छ दिर्घायुको निमित्त सधै      

आउँछ कालले जीवन मागेर जान्छ  

पटक पटक ढोका पिट्छ चुनौतीले 

तर्किन्छ  अवसर  धुरी नाघेर जान्छ

देशमा खान’ प्रबासमा जिउन गाह्रो  

बारम्बार मृत्‍युले नाडी छामेर जान्छ  

नाम उपर चढाउन् बिजयको माला 

जीवन त’ स्वयम  सँग हारेर जान्छ  

बुढो भएर होला

च्यातिएछ  सडक बुढो भएर होला 

थाकेछ  अचानक बुढो भएर होला 

न तातो हुन्छ न जाडो ठेग्न  सक्छ 

सम्भबत  सिरक  बुढो भएर होला 

एक्लै  पर्‍यो   रंगमञ्चमा   जिवन 

सबैको यो नाटक बुढो भएर होला 

उस्तै हो म अनि क्षितिजको घाम 

छदै  छैन  चमक बुढो भएर होला 

भाषण  र  शासन   छैन    अचेल 

निरिह छ सासक बुढो भएर होला 

तिमीले

के गर्न खोजेको सावित तिमीले 

बल्झाएर  फेरी  अतित तिमीले 

लगायौ   नजर'  आएर    सामु  

बनाएरै छाड्यौ आजित तिमीले 

नचीने  झै गर्दै  सोध्यौ  ठेगाना 

भुलेर  मान्छे  परिचित  तिमीले

गाउछौ   रे  गुण गान   उसैको 

माया प्रेममा आधारित तिमीले  

दुनियाँमा  केही  बाँकी राखेनौ 

सबै  म सँग सम्बन्धित तिमीले

खोज्दैछन्

साथीहरु भाउ खोज्दैछन् 

दुस्मनले दाउ  खोज्दैछन् 

बर्षौ सहेर पनि मेरो बनेन 

दुखाइले घाउ खोज्दैछन्

बाकी

तिमी गयौ जीवनको'आधा पाना बाँकी छ 

साथी भन्नु चार भित्ता,एक छाना बाँकी छ 

बाचा र  कसम सकियो' अब  प्रेम गर्नुको 

दुई  कुरा  सजाय  र  जरिवाना  बाँकी छ 

आधा अधुरा  रहे  केही  चाहानाहरु अझै 

आफ्नो बनाउन तिमी र सिमाना बाँकी छ

खास  जिउनै पर्ने  कारण छैन जिन्दगीमा 

श्वास छ, मर्न नसक्नुको बहाना बाँकी छ 

तिमीलाई पाउने  ठुलो  सपना त्यागे मैले 

अब  यो  मनमा  रहर  स-साना बाँकी छ

मैले आसय  नबुझेको  तिम्रो खत हरायो 

रातो  मसी सेतो खाममा ठेगाना बाँकी छ

2074/5/18

पठाउँछौ

तिम्रा यादहरु यावत पठाउँछौ 

स्पष्टिकरणमा  खत पठाउँछौ

यो अन्याय भयो सरासर भन्छु 

उल्टै मलाई हिरासत पठाउँछौ

पुगे

भाग्यको ओखर फोड्न खाडी पुगे 

जिवनको घुम्ती मोड्न  खाडी पुगे 

रिक्त थालमा अड्किएका हातहरु 

भोको मुख सँग जोड्न  खाडी पुगे 

कुन्नी

कति पायौ बैगुनिको उपमा कुन्नी ?

आँखा नदेखिने त्यो बैशमा कुन्नी ? 

बेइमानी त मेरो अतित सँग गर्यौ 

के देखियो कमजोरी म मा कुन्नी ?

बनाउछु

अब छुट्टै नामको मुटु  बनाउछु  

मेरो मात्र कामको मुटु बनाउछु 

मायामा जति धोका खाएँ पनि 

नदुख्ने फलामको मुटु बनाउछु

सम्म

जाउ बनेर जाउ बैगुनी हुँदा सम्म

सबैलाई नभई’ नहुनी हुँदा सम्म

ओइलिएको फूल कस्ले चुम्छ ?

छर सुगन्ध छर तरुनी हुँदा सम्म

सकेन

खाडीमा निदाएको साथी ब्युझिन सकेन 

जस्तो गएको थियो त्यस्तै फर्किन सकेन 

बारम्बार भोगेर,देखेर पनि आमाको आसु 

मेरो  देशको  परिस्थिती  बद्लिन सकेन

सहि

कहिले जित’ कहिले हारै सहि

सधै यस्तै चल्ने यो संसारै सहि           

जीवनको गती  एकनास हुँदैन  

कही हतार’कही बिस्तारै सहि     

मरिहत्ते गर्ने सयौ नहोलान् तर 

माया दिने होउन् दुई चारै सहि    

आगन सम्म पुगेर फर्कनु भन्दा 

भागौ !नाघेर गारै, तगारै  सहि

म’ त भन्छु दोधारमा नराखिदेउ 

गर निधो कि वार कि पारै सहि