बाकी

तिमी गयौ जीवनको'आधा पाना बाँकी छ 

साथी भन्नु चार भित्ता,एक छाना बाँकी छ 

बाचा र  कसम सकियो' अब  प्रेम गर्नुको 

दुई  कुरा  सजाय  र  जरिवाना  बाँकी छ 

आधा अधुरा  रहे  केही  चाहानाहरु अझै 

आफ्नो बनाउन तिमी र सिमाना बाँकी छ

खास  जिउनै पर्ने  कारण छैन जिन्दगीमा 

श्वास छ, मर्न नसक्नुको बहाना बाँकी छ 

तिमीलाई पाउने  ठुलो  सपना त्यागे मैले 

अब  यो  मनमा  रहर  स-साना बाँकी छ

मैले आसय  नबुझेको  तिम्रो खत हरायो 

रातो  मसी सेतो खाममा ठेगाना बाँकी छ

2074/5/18