गयो

आयो फर्केर गयो 

फेरी   तर्केर  गयो 

रोयो एकान्त बसी 

छाती  चर्केर गयो 

बेहोसी यो मनमा 

पानी  छर्केर गयो 

रोक्दै गर्दा रुन ऊ

आत्मा धर्केर गयो 

उस्तै आभास गरे 

बर्षा  दर्केर  गयो

पुगेर

रोक्यो अडान  परिवर्तनमा पुगेर 

पार्टी बद्लीयो निर्वाचनमा पुगेर

सपुतले सपथ  लिएर कुपुत भो 

के सुन्यो? भाषण सदनमा पुगेर 

सोचे!अब दगुर्छ मेरो नेपाल पनि 

रोकियो सभाको मिलनमा पुगेर 

एक झुपडिमा देउता प्रकट भयो  

र किन्यो मत आश्वासनमा पुगेर 

दैलोमा गरेको बाचा र कसमहरु 

भुल्यो  बिजयको आगनमा पुगेर 

चुनेको मानिसहरु मानिस रहेनन्  

बाँदरको  चाल  चलनमा  पुगेर 

देशको शरीर बेचेर सुख किनेछन् 

नेपाल  आमाको धड्कनमा पुगेर

बिक्री

अघी  पछी  नहेरी  बिक्रीमा 

राखेछौ  मुटु  फेरी  बिक्रीमा  

जीवनमा उज्यालो पाए पछी  

भुल्यौ,राख्यौ अधेरी बिक्रीमा

देउ

कसुरहरु  छानीछानी  गर्न देउ  

नजरलाई  मनोमानी  गर्न  देउ 

हामी  मिल्नु  पर्छ’ छोड  सब 

दुनियाँलाई आनाकानी गर्न देउ

बोकेर

हिडें बोकेर अभिलासाहरु 

तिमीलाई पाउने आशाहरु 

तर छेकिदिन्छ मेरो बाटो 

तगारो  बनेर   तमासाहरु

बुढो

जति  सोचें  त्यति झन बुढो हुँदैनन्  

खाता पाता जस्तो धन बुढो हुँदैनन्   

देबकोटा बुढा भई गए' नाम छोडी 

मर्दैनन्   मुना  मदन   बुढो  हुँदैनन्    

कागज पुरानो भयो र कलम पनि 

तर  लेखेको  लेखन  बुढो  हुँदैनन्     

छाला  चाउरी  पर्दैमा'  रहर मरेन 

तन  जस्तै  मनहरु   बुढो  हुँदैनन्      

उमेर धेरै  भयो  भनेर कहाँ  हुन्छ?

गन्ती  होइन  जीवन बुढो  हुँदैनन्

दुईवटा

हेर्थे   सधै  नयन  उघारी  दुईवटा 

एउटा  मन्दिरमा  पूजारी  दुईवटा 

निशाना चुक्यो भनिदिए ढाटेर सत्य 

थियो एक सिकार सिकारी दुईवटा 

यस्तो एउटा तुफान चल्यो अनयासै 

माया  र  मुटु लग्यो बढारी दुईवटा  

रमाएर  अर्कै  हात  समाएर  गई 

हेरे आँखा झिमिक्क नपारी दुईवटा 

एक आफ्नो जिवन अर्को तिम्रो याद 

बन्यो  सधै  मेरो  महामारी दुईवटा 

तिम्रो बारे जान्न पाँउ अनि रुन पाँउ 

गर्न  बाँकी  छ भलाकुसारी दुईवटा