सहि

कहिले जित’ कहिले हारै सहि

सधै यस्तै चल्ने यो संसारै सहि           

जीवनको गती  एकनास हुँदैन  

कही हतार’कही बिस्तारै सहि     

मरिहत्ते गर्ने सयौ नहोलान् तर 

माया दिने होउन् दुई चारै सहि    

आगन सम्म पुगेर फर्कनु भन्दा 

भागौ !नाघेर गारै, तगारै  सहि

म’ त भन्छु दोधारमा नराखिदेउ 

गर निधो कि वार कि पारै सहि

सकियो

जिउन थामेको सम्बन्धको डोरै सकियो 

अब थोरै बाँकी छ जीवन, थोरै सकियो 

मेरा यि पाइलाहरु बाटो मूनी परे पछि 

मात्र पिडा छ, खुशीहरु पोहोरै सकियो

तिम्रै

यो घर पनि तिम्रै 

र थर  पनि  तिम्रै 

तिमी भनेर आँए 

रहर  पनि  तिम्रै 

गाउँ पराइ  भयो 

शहर पनि  तिम्रै 

आँफै प्रश्न गरेर 

उत्तर  पनि  तिम्रै 

अब खाने अमृत 

जहर  पनि तिम्रै

खेलिरहेछ

कोहि मायाको चाल खेलिरहेछ

हो ऊ' साच्चै कमाल खेलिरहेछ 

देख्नु भेट्नु छैन' खेल मैदानमा 

सामाजिक  संजाल खेलिरहेछ  

हेर्छु' प्रेम खुशी हो! भन्नेहरुको 

आँखामा फेवाताल खेलिरहेछ  

तिम्रो  नजरमा नशा छ भन्ने ऊ   

सराबमा   आहाल  खेलिरहेछ   

प्रेमलाई ठाउँ  छैन'  यो मनमा 

मेरो  राष्ट्र   नेपाल  खेलिरहेछ   

गराएर

घरलाई  नै  अदालत गराएर 

गयौ  भुलको अबगत गराएर  

आशुको  बदला' नशा दियौ 

सराब  पिउने  आदत गराएर 

तोद्यौ  बाचा  र सम्बन्धलाई 

दियौ उपमा हिरासत गराएर    

धुजा, धुजा पार्यौ मेरो छाती 

खुनै  खुनले लतपत  गराएर 

गई' उस्कै निम्ती रोकिएको 

यो  मुटुलाई सहमत गराएर   

छोड्यौ! बेहाल बिरक्त मेरो 

जिवन फेरि यथावत गराएर   

के छ र

भनिदेउ खास बाध्यता के छ र ?

भेट हुनै गाह्रो ब्यस्तता के छ र ?

लाग्छ ! तिमी पनि मान्छे नै हौ 

त्यो  बाहेक बिशेषता के छ र ?

काल  जित्दैनौ' जितेर  मान्छे !

यद्यपि  अरु  क्षमता  के छ र ?

फेरिन्छ  सम्बन्ध  लुगा  सरि      

मान्छेको आवस्यकता के छ र ?

कति जिउँछौ स्वार्थको निम्ती 

लेखेको त्यहाँ  बिरता के छ र  ?

होनी

बाँचेको छु’ मरी मरी त्यस्तै त हो नि 

को नै छ र अजम्बरी त्यस्तै त हो नि

तिमी आकाशको जून साबित भयौ 

म भुइको धुलो सरि त्यस्तै त हो नि 

सक्त, असक्त  समान  हुन्न  रहेछ 

तिम्रै  मात्र मनपरी त्यस्तै  त हो नि 

जब प्रेममा  झुक्न सिके तिमी सँग 

अडान  अनेक थरी त्यस्तै  त हो नि

तिमीले झै मैले पनि  भुल्न सकिन 

तिम्रै  याद घरिघरि त्यस्तै त हो नि

नजर  जुधाई  बोल्न सकिन भेट्दा  

चाहेर नि  सधै भरी त्यस्तै त हो नि