के छ र

भनिदेउ खास बाध्यता के छ र ?

भेट हुनै गाह्रो ब्यस्तता के छ र ?

लाग्छ ! तिमी पनि मान्छे नै हौ 

त्यो  बाहेक बिशेषता के छ र ?

काल  जित्दैनौ' जितेर  मान्छे !

यद्यपि  अरु  क्षमता  के छ र ?

फेरिन्छ  सम्बन्ध  लुगा  सरि      

मान्छेको आवस्यकता के छ र ?

कति जिउँछौ स्वार्थको निम्ती 

लेखेको त्यहाँ  बिरता के छ र  ?

होनी

बाँचेको छु’ मरी मरी त्यस्तै त हो नि 

को नै छ र अजम्बरी त्यस्तै त हो नि

तिमी आकाशको जून साबित भयौ 

म भुइको धुलो सरि त्यस्तै त हो नि 

सक्त, असक्त  समान  हुन्न  रहेछ 

तिम्रै  मात्र मनपरी त्यस्तै  त हो नि 

जब प्रेममा  झुक्न सिके तिमी सँग 

अडान  अनेक थरी त्यस्तै  त हो नि

तिमीले झै मैले पनि  भुल्न सकिन 

तिम्रै  याद घरिघरि त्यस्तै त हो नि

नजर  जुधाई  बोल्न सकिन भेट्दा  

चाहेर नि  सधै भरी त्यस्तै त हो नि

मेरो

सिन्दुर हैन’  निधारको टिका मेरो हो 

तिम्रो पियारी पहिले प्रेमिका मेरो हो

हिड्छन्  राम र सिता झै जोडी बनी 

उनि कुनै समयको  राधिका मेरो हो

मुल्य

बिताउनु छ' रातको मुल्य कति हो ?

जिउनु पर्छ' भातको मुल्य कति हो ?

 मेरो  शिर'  तिम्रो  चरण  बराबर

बताइ देउ' हातको  मुल्य कति हो ?

प्रेमको मुल्य' ज्यान दिएर चुकाए  

उन्ले गरेको घातको मुल्य कति हो ?

सुन हे! माली' फूलको ब्यापारीहरु  

सँगै  रहने  पातको  मुल्य कति हो ?

सराब  बेच्नेहरु  लाई  मेरो  प्रश्न  

कलेजी अनि मातको मुल्य कति हो ?

धेरै भयो' सुनेको ठुलो-सानो यहाँ 

कुन  मानव जातको मुल्य कति हो?

दिएर

पाउदैनौ माया यो सुन दिएर

प्रलोभनमा तारा, जून दिएर 

मनको  दाग  मेटाउन  भन्यौ 

मेरो  हातमा,  साबुन  दिएर  

गरिबलाई यो के गर्यौ दया 

भोको पेटमा, कानुन  दिएर 

मुटु  लगीन्  उनले बदलामा 

बच्चालाई  झै, बेलुन दिएर

कुन रोजी मैले  गरे तपस्या 

गयौ  मेरो भाग,  कुन दिएर 

रक्त दान  दिने र लिने हुन्थे 

हुने भय आफ्नो, खुन दिएर

गयो

आयो फर्केर गयो 

फेरी   तर्केर  गयो 

रोयो एकान्त बसी 

छाती  चर्केर गयो 

बेहोसी यो मनमा 

पानी  छर्केर गयो 

रोक्दै गर्दा रुन ऊ

आत्मा धर्केर गयो 

उस्तै आभास गरे 

बर्षा  दर्केर  गयो

पुगेर

रोक्यो अडान  परिवर्तनमा पुगेर 

पार्टी बद्लीयो निर्वाचनमा पुगेर

सपुतले सपथ  लिएर कुपुत भो 

के सुन्यो? भाषण सदनमा पुगेर 

सोचे!अब दगुर्छ मेरो नेपाल पनि 

रोकियो सभाको मिलनमा पुगेर 

एक झुपडिमा देउता प्रकट भयो  

र किन्यो मत आश्वासनमा पुगेर 

दैलोमा गरेको बाचा र कसमहरु 

भुल्यो  बिजयको आगनमा पुगेर 

चुनेको मानिसहरु मानिस रहेनन्  

बाँदरको  चाल  चलनमा  पुगेर 

देशको शरीर बेचेर सुख किनेछन् 

नेपाल  आमाको धड्कनमा पुगेर