फेरेर

केही हुन्न आधुनिक नाम फेरेर
बिचार गर एक बार काम फेरेर

म त देक्छु जरुरी सोच फेरिन
छैन अर्थ मन्दिरको राम फेरेर

सन्देश फेर शब्द फेर खत को
के लाभ बाहिरको खाम फेरेर

नाम होइन काम हो अस्तित्व
हेर जुनको ठाउँमा घाम फेरेर

ब्यर्थमा

चाहिदैन तिम्रो हातको सिरानी ब्यर्थमा
बिउझिदा बिहान आत्मग्लानी ब्यर्थमा

आगो जस्तो बैसालु बेग थामेकै राम्रो
चाह छैन बनाउन जीवन खरानी ब्यर्थमा

लगाम देउ तिम्रा बेसोमती नजरलाई
गल्ली र चोकमा नपोख जवानी ब्यर्थमा

बास्नाले मात्र जीवन चल्दैन फुलको
गल्ली पिच्छे नगर मन लगानी ब्यर्थमा

राम्रो

मेरो हारै सही, तर तिम्रो जित राम्रो लाग्छ।
तिम्ले दिएको माया अनि प्रीत राम्रो लाग्छ।

नदेखिने भोली सोच्दै,रुन छोडिसके
तिम्लाई हेर्दै बितायका अतित राम्रो लाग्छ।

ढल्दै थियोे जीवन,बीष थियो हातमा
आगमन भो तिम्रो अब अमृत राम्रो लाग्छ।

कि रुन्थे'कि त एकान्त नै मन पर्थ्यो
प्रीत बोकि आयौ गीत संगीत राम्रो लाग्छ।

प्रस्न

मेरो एउटा प्रस्न,आफ्नै वचन चुकेको देखेनौ?
सोध्छु म अरु सोध्छु,दुनियाँले थुकेको देखेनौ?

तिमी स्वभिमानको भासण दिन्छौ
छाक तार्न बिदेशी सामु प्रजा झुकेको देखेनौ?

के गर्नु गौरव खोक्रो स्वतन्त्रताको
ज्यान मारा छिमेकीले सिमा ढुकेको देखेनौ?

मालिक भुल्छ कुकुरले खान नदिए
घर,डहर डुल्दा पराइ सम्झी भुकेको देखेनौ ?

पहिले सिमाना आगन,अहिले मझेरि
सिलिम भयो,देशको आकार सुकेको देखेनौ?

छुट्याउदै छौ

आज नेपाल र नेपाली छुट्याउदै छौ तिमी
झापाली र स्याङ्जाली छुट्याउदै छौ तिमी

के पायौे दोष त्यो सुन्दर प्रकृतिको
बगैंचाको फुल र माली छुट्याउदै छौ तिमी

सङ्गै राख्ने भाडोहरु बज्यो भनेर
घरको कचौरो र थाली छुट्याउदै छौ तिमी

लेखा जोखा गर्न थाल्यौं आमाको
आज आशिष र गाली छुट्याउदै छौ तिमी

घामपानी संगै ओट्ने ठाउँ रहेन
घरको धुरी र पाहाली छुट्याउदै छौ तिमी

पार्टी र क्षेत्र नयाँ बहानामा फेरि
मधेशी बाट हिमाली छुट्याउदै छौ तिमी

तेरो भाग चौतारी उस्को छ्हारि
भञ्ज्याङ् र देउराली छुट्याउदै छौ तिमी

लैजाउ

आउ हे'दैब प्राण,पखेरी लैजाउ।

रोक्लान बाटो तर नटेरी लैजाउ।

निको हुन्छ,चोट लाग्दा रोए पनि

दया लाग्दा नयन नहेरी लैजाउ।

मेरो अन्तिम ईच्छा उनको खुशी 

बिन्ती मेरो भाका नफेरी लैजाउ।

मेरो उमेर,मेरो उज्यालो उनिलाई

म' सङ्गै उनको अधेरी लैजाउ।

Ramesh

बिदेश

बिदेश हो गाउँमा' भारी बोके जस्तो छैन साइली 

जिद्दी गरि बाआमालाई टोके जस्तो छैन साइली 

दिन रात खट्नु पर्छ पसिनाले पैसा टिप्न 

आराम गर्न खेतमा हलो रोके जस्तो छैन साइली 

स्वदेशको याद आउँदा रुनु पर्छ एक्लै

साथीभाई बिचमा गफ खोके जस्तो छैन साइली 

हाम्रो गोठको चौपाया झै बन्धन छ यहाँ 

गाउँ घरमा भट्टी पसि धोके जस्तो छैन साइलि

Ramesh