न इर्स्या न त जलन थियो

न इर्स्या न त जलन थियो 

सजिलै नदुख्ने मन थियो 

भुत प्यारो’ भबिस्य भन्दा

जहाँ मेरो बालापन थियो

बाँकी छ

एउटा काम गर्न बाँकी छ

फूलेर फूल झर्न बाँकी छ 

रोएर जिवन जिउन पुग्यो  

हासेर अब मर्न बाँकी छ

गएकोछ

बोली बचन कम हुँदै गएकोछ 

याद अधिकतम हुँदै गएकोछ 

कहिल्यै भएन मैले चाहे जस्तो 

बिफल  हरदम हुँदै  गएकोछ

हेरे

उनलाई  मन  दिएर  पनि हेरे 

र उनको मन  लिएर  पनि हेरे   

युगल बनेर नि हेरे’ छैन सुख 

एकल जीवन जिएर पनि हेरे!

भएपछि

गोधुली  सकिएर  साम  भए पछि 

भेटौँला यो शरीर आराम भए पछि 

तिमी चुपचाप बस्नु, हल्ला नगर्नू  

गाह्रो हुन्छ फेरी बदनाम भए पछि

के हुन्छ

म' मरे भने बचाउने उपाय के हुन्छ ?

निधो गरे मर्ने' तिम्रो राय के हुन्छ ?

मेरो मृत्युको कारण कुनै पलहरु !

तिमीलाई रुनु परे सजाय के हुन्छ ?

आएर

बल्ल गयो हिजो,अस्ती आएर 

पीडा  दिन्छ  मेरै  बस्ती आएर 

चुनौती किन यो जिन्दगीलाई 

सताउँछ  जबर्जस्ती  आएर ?

गर्छौ

प्रबासमा  कमाएर  गजब  गर्छौ  

आफू  मात्र  रमाएर गजब  गर्छौ   

भुल्यौ ताते-ताते गराएको औंला 

अर्कै  हात  समाएर  गजब गर्छौ

खोज्दैछन्

साथीहरु भाउ खोज्दैछन् 

दुस्मनले दाउ  खोज्दैछन् 

बर्षौ सहेर पनि मेरो बनेन 

दुखाइले घाउ खोज्दैछन्

पठाउँछौ

तिम्रा यादहरु यावत पठाउँछौ 

स्पष्टिकरणमा  खत पठाउँछौ

यो अन्याय भयो सरासर भन्छु 

उल्टै मलाई हिरासत पठाउँछौ

पुगे

भाग्यको ओखर फोड्न खाडी पुगे 

जिवनको घुम्ती मोड्न  खाडी पुगे 

रिक्त थालमा अड्किएका हातहरु 

भोको मुख सँग जोड्न  खाडी पुगे 

कुन्नी

कति पायौ बैगुनिको उपमा कुन्नी ?

आँखा नदेखिने त्यो बैशमा कुन्नी ? 

बेइमानी त मेरो अतित सँग गर्यौ 

के देखियो कमजोरी म मा कुन्नी ?

बनाउछु

अब छुट्टै नामको मुटु  बनाउछु  

मेरो मात्र कामको मुटु बनाउछु 

मायामा जति धोका खाएँ पनि 

नदुख्ने फलामको मुटु बनाउछु

सम्म

जाउ बनेर जाउ बैगुनी हुँदा सम्म

सबैलाई नभई’ नहुनी हुँदा सम्म

ओइलिएको फूल कस्ले चुम्छ ?

छर सुगन्ध छर तरुनी हुँदा सम्म

सकेन

खाडीमा निदाएको साथी ब्युझिन सकेन 

जस्तो गएको थियो त्यस्तै फर्किन सकेन 

बारम्बार भोगेर,देखेर पनि आमाको आसु 

मेरो  देशको  परिस्थिती  बद्लिन सकेन

सकियो

जिउन थामेको सम्बन्धको डोरै सकियो 

अब थोरै बाँकी छ जीवन, थोरै सकियो 

मेरा यि पाइलाहरु बाटो मूनी परे पछि 

मात्र पिडा छ, खुशीहरु पोहोरै सकियो

मेरो

सिन्दुर हैन’  निधारको टिका मेरो हो 

तिम्रो पियारी पहिले प्रेमिका मेरो हो

हिड्छन्  राम र सिता झै जोडी बनी 

उनि कुनै समयको  राधिका मेरो हो

बिक्री

अघी  पछी  नहेरी  बिक्रीमा 

राखेछौ  मुटु  फेरी  बिक्रीमा  

जीवनमा उज्यालो पाए पछी  

भुल्यौ,राख्यौ अधेरी बिक्रीमा

देउ

कसुरहरु  छानीछानी  गर्न देउ  

नजरलाई  मनोमानी  गर्न  देउ 

हामी  मिल्नु  पर्छ’ छोड  सब 

दुनियाँलाई आनाकानी गर्न देउ

बोकेर

हिडें बोकेर अभिलासाहरु 

तिमीलाई पाउने आशाहरु 

तर छेकिदिन्छ मेरो बाटो 

तगारो  बनेर   तमासाहरु